¿Ú la guerra?

¿Ú la guerra? ¿Ónde está?

¿De qué vamos a falare

agora ensin un telar?

La educación coyonuda,

salú de ferro la tien,

nun hai yá un trabayu malu,

ni llambriones xefes yá,

naide yá quier sere ricu,

perdonóunos Dieus l´iviernu,

¡Ye que más nu´afayarás!

Nun ideal sueñu vivo

del que nun quiero espertar.

Tol mundu vive n´amores

que l´unu pol outru van.

Nin mentiras nin verdaes

nin dogma pol que lluchar.

Siempre tenemos las madres,

que nos vienen a acuchar.

Onque nun necesitamos,

nós-yes damos y eillos dan.

Los rapaces son rapaces,

y los vieyos volan, van.

Nun ideal sueñu vivo

del que nun quiero espertar.

Los políticos nun viven,

política conceyil.

Las concencias piensan todas,

¿Qué ye pecáu? ¿Qué ye´l mal?

Mano a mano, a modín supo

esta humanidá llegar.

Individualidá llibre,

coleutiva llibertá.

Nun ideal sueñu vivo

del que nun quiero espertar.

Francisco Javier Pozuelo. Poemas pa nun ser lleídos. Llibros Filandón, 2008.

Imagen: Anselm Kiefer. Las célebres órdenes de la noche, 1997.